Şəhidlərimiz — I Qarabağ Müharibəsi

Əliyev Səbuhi Kəmaləddin oğlu 22 mart 1981-ci ildə Gəncə şəhərində anadan olmuşdur. O, Borsunlu kəndində 1-ci sinifə getmişdir. 08 aprel 2000-ci il tarixdə Səbuhi Əliyev Goranboy Rayon Hərbi Komissarlığı tərəfindən həqiqi hərbi xidmətə çağırılmış, 707 saylı hərbi hissədə qulluq etmişdir. Səbuhi Əliyev savadlı döyüşçü kimi özünü göstərmişdir. 24 iyul 2001-ci ildə Kəmərli kəndi uğrunda gedən döyüşlərdə erməni faşistlərinin gülləsinə tuş gəlmiş, yaralı vəziyyətdə Gəncə hospitalına gətirilmiş və həkimlərin səyinə baxmayaraq 29 iyul 2001-ci ildə hospitalda vəfat etmişdir. Əliyev Səbuhi Kəmaləddin oğlu 30 iyul 2001-ci ildə babasıgılin yaşadığı Goranboy rayonunun Borsunlu kəndinə aparılmış və Qazanbulaq qəbiristanlığında dəfn olunmuşdur.