Şəhidlərimiz — I Qarabağ Müharibəsi

Əliyev İbrahim Nazim oğlu 20 dekabr 1972-ci ildə Yevlax rayonunda anadan olmuşdur. O, Yevlax rayon orta məktəbini bitirdikdən sonra 1990-cı ildə həqiqi hərbi xidmətə çağırılmış və təxminən 6 aya yaxın Sibirdə xidmət etmişdi. Vətənin müdafiəsinə görə hərbi xidmətdən qayıdıb Azərbaycana gəlmiş və könüllü olaraq birbaşa Füzuiyə yollanmışdır. İbrahim Əliyev Ağdam, Cəbrayıl rayonlarında ermənilərə arşı vuruşmuş, ermənilərin silahlı qüvvələrinə sarsılmaz zərbələr endirmiş, tez bir zamanda həm döyüş bacarığı, həm də nizam intizamı ilə zabit heyətinin hörmətini qazanmışdır. Əliyev İbrahim Nazim oğlu sonuncu dəfə Muravdağda vuruşmuşdu. 10 fevral 1994-cü ildə qarlı qış günlərində itkin düşmüşdür. Məhkəmənin 2-213 2001-ci il tarixli qərarına əsasən Əliyev İbrahim Nazim oğlu itkin düşdüyü, yəni 10 fevral 1994-cü il tarixdən etibarən şəhid elan edilmişdir.