Şəhidlərimiz — I Qarabağ Müharibəsi

Əliyev Malik İsgəndər oğlu 25 sentyabr 1973-cü ildə Gəncə şəhərində anadan olmuşdur. Fəhlə ailəsində böyüyən Malik Əliyev 18 nömrəli orta məktəbi bitirdikdən sonra könüllü olaraq 1993-cü ildə cəbhəyə yollanmış, 709 saylı hərbi hissədə xidmətə başlamışdır. Böyük şücaətlə düşmənin mühüm obyektlərinə zərbələr endirmiş, göstərdiyi igidliyinə görə komandirlər və əsgər yoldaşları arasında böyük hörmət qazanmışdır. Əliyev Malik İsgəndər oğlu növbəti dəfə ermənilərə qarşı Ağdam ərazisində keçirilən əməliyyat tapşırığını yerinə yetirərkən düşmən gülləsinə tuş gəlmiş, meyiti Gəncə şəhərinə gətirilərək valideynlərinə təhvil verilmişdir. Əzizləri və əsgər yoldaşlarının iştirakı ilə Malik Əliyev Gəncə şəhəri Şəhidlər Xiyabanında dəfn edilmişdir.