Şəhidlərimiz — I Qarabağ Müharibəsi

Ələkbərov Azər Firuddin oğlu 14 oktyabr 1975-ci ildə Gəncə şəhərində anadan olmuşdur. 24 saylı orta məktəbi bitirdikdən sonra 25 oktyabr 1993-cü ildə Kəpəz Rayon Hərbi Komissarlığı tərəfindən həqiqi hərbi xidmətə çağırılmış, 776 saylı hərbi hissənin tərkibində Tərtər rayonu uğrunda gedən döyüşlərdə böyük hünərlə vuruşmuşdur. Bir neçə dəfə döyüş tapşırıqlarının yerinə yetirilməsində igidliklə iştirak etmişdir. Dəfələrlə düşmənin zirehli texnikasını məhv etmişdir. Ələkbərov Azər Firuddin oğlu 10 fevral 1994-cü ildə 776 saylı hərbi hissənin tərkibində Tərtər rayonu ərazisində vuruşan zaman itkin düşmüş, Kəpəz Rayon Məhkəməsinin 2-862001 nömrəli qətnaməsi ilə ölmüş elan edilmişdir.