Şəhidlərimiz — I Qarabağ Müharibəsi

Əkbərov İxtiyar Hüseyn oğlu 24 yanvar 1960-cı ildə Gəncə şəhərində anadan olmuşdur. O, 24 saylı orta məktəbi bitirdikdən sonra 1978-ci ildə həqiqi hərbi xidmətə çağırılmış və iki il Xabarovsk şəhərində xidmət etdikdən sonra qayıdıb Gəncə şəhəri Dəmir-Beton zavodunda fəhlə işləmişdir. İxtiyar Əkbərov 1983-cü ildə ailə qurmuş və iki övladı dünyaya gəlmişdir. İxtiyar Əkbərov erməni faşistlərin xalqımıza qarşı törətdikləri qanlı hadisələrə dözə bilməyib 1992-ci ildə könüllü olaraq cəbhəyə yollanmış, 703 saylı hərbi hissənin tərkibində xidmət etməyə başlamışdır. O, dəfələrlə əsgər yoldaşlarını mühasirədən azad etmiş, həmişə döyüş zamanı qorxmadan öndə getmişdir. Əkbərov İxtiyar Hüseyn oğlu 13 oktyabr 1993-cü ildə Ağdərə rayonu ərazisində döyüş tapşırığını yerinə yetirən zaman itkin düşmüş, Kəpəz Rayon Məhkəməsinin 2-6962003 nömrəli qətnaməsi ilə ölmüş elan edilmişdir.