Şəhidlərimiz — I Qarabağ Müharibəsi

Əhmədov İlqar Nəriman oğlu 1964-cü il  oktyabr ayının 24-də Gəncə şəhərində anadan olmuşdur. O, 37 saylı orta məktəbdə təhsil almışdır.
6-cı sinifdə oxuyarkən anası Raya xanım vəfat etmişdir. İlqar Əhmədov  1986-cı ildə hərbi xidmətdən qayıdanda artıq atası da vəfat etmişdi. 1987-ci ildə İlqar Əhmədov ailə həyatı qurmuşdur.

İlqar Əhmədov 1989-cu ildən başlayaraq 703 saylı hərbi hissənin tərkibində sərhəd bölgələrinin müdafiəsində dayanmışdı. Göstərdiyi hərbi xidmətə görə hərbi hissə komandiri tərəfindən dəfələrlə fəxri fərman və qiymətli mükafatlarla  təltif olunmuşdur. İlqarın əsgər yoldaşları arasında böyük hörməti var idi. Çaykənd əməliyyatında  dəfələrlə kəşfiyyata getmişdir.  Dranbom uğrunda göstərldiyi qəhrəmanlığa görə 703 saylı hərbi hissə komandiri tərəfindən İlqar Əhmədovun ailəsinə «Təşəkkürnamə» məktubu göndərilmişdi. Əhmədov İlqar Nəriman oğlu 1992-ci il avqustun 29-da ağır döyüşlərin birində şəhidlik zirvəsinə ucalmışdır.