Şəhidlərimiz — I Qarabağ Müharibəsi

Əhmədov Zakir Kamil oğlu 22 dekabr 1959-cu ildə Goranboy rayonunda anadan olmuş, həmin tarixdə də ailəsi ilə birlikdə Gəncə şəhərinə köçmüşlər. Zakir Əhmədov adına Gəncə şəhər 37 saylı orta məktəbi əla qiymətlərlə bitirdikdən sonra 1978-ci ildə həqiqi hərbi xidmətə çağırılmış və RF-nın Çita vilayətində tank diviziyasında baş çavuş vəzifəsində xidmət etmişdir. Zakir Əhmədov 1980-ci ildə hərbidən qayıtdıqdan sonra əvvəlcə Gəncə şəhər Əlvan-Metallar zavodunda 6-cı dərəcəli frezer vəzifəsində, sonra isə Mənzil Kommunal İstismar sahəsində usta kimi evlərin təmiri ilə məşğul olmuşdur. Zakir Əhmədov 20 aprel 1994-cü ildə Kəpəz Rayon Hərbi Komissarlığı tərəfindən səfərbərliyə alınmış, 703 saylı hərbi hissənin tərkibində Ağdərə rayonu uğrunda gedən döyüşlərdə vuruşmuşdur. Əhmədov Zakir Kamil oğlu 8 noyabr 1994-cü ildə qəhrəmancasına həlak olmuş və 12 noyabr 1994-cü ildə meyiti Gəncə şəhərinə gətirilərək Şəhidlər Xiyabanında dəfn olunmuşdur.