Şəhidlərimiz — I Qarabağ Müharibəsi

Əhmədov Elsevər Peçora oğlu 30 iyul 1966-cı ildə Gəncə şəhərində anadan olmuşdur. O, Gəncə şəhəri 43 saylı orta məktəbi bitirdikdən sonra 1984-cü ildə həqiqi hərbi xidmətə çağırılmış və Ukrayna Respublikasının Belçiyev şəhərində xidmət etmişdir. 1986-cı ildə hərbidən qayıtdıqdan sonra Gəncə şəhər Cihazqayırma zavodunda işləmişdir. Elsevər Əhmədov 1990-cı ildə könüllü olaraq cəbhəyə yollanmış, bir neçə döyüş əməliyyatlarında uğurla iştirak etmiş, 709 saylı hərbi hissənin tərkibində Ağdam rayonunun Şelli kəndində böyük hünərlə vuruşmuşdur. Əhmədov Elsevər Peçora oğlu 23 iyul 1993-cü ildə Ağdam rayonunun Şelli kəndində döyüş əməliyyatını yerinə yetirərkən itkin düşmüş, Kəpəz Rayon Məhkəməsinin 2-4082005 nömrəli qətnaməsinə əsasən ölmüş elan edilmişdir.