Şəhidlərimiz — I Qarabağ Müharibəsi

Əhmədov Vaqif İslam oğlu 2 avqust 1957-ci ildə Xankəndi şəhərinin Kərkicahan qəsəbəsində anadan olmuşdur. S.Vurğun adına 6 saylı orta məktəbi bitirdikdən sonra Xankəndi şəhər peşə məktəbinə daxil olmuş və oranı bitirdikdən sonra Neft-kimya İnstitutuna daxil olmuşdur. Vaqif Əhmədov ali məktəbi bitirdikdən sonra sovet ordusu sıralarında xidmət etməyə başlamışdır. O, hərbidən qayıtdıqdan sonra ailə qurmuş, üç övladı dünyaya gəlmişdir. Erməni faşistlərinin azərbaycanlılara qarşı törətdikləri qanlı hadisələrə dözə bilməyən Vaqif Əhmədov hər an cəbhəyə getməyə can atmış, ermənilərə nifrət hissi ilə yaşamışdır. Əhmədov Vaqif  İslam oğlu 8 may 1992-ci ildə Şuşanın müdafiəsi zamanı qəhrəmancasına həlak olmuş və Şuşada dəfn olunmuşdur.