Şəhidlərimiz — I Qarabağ Müharibəsi

Eyyubov İxtiyar Eyyub oğlu 1 avqust 1967-ci ildə Gəncə şəhərində anadan olmuşdur. O, 1982-ci ildə 18 saylı orta məktəbin 9-cu sinfini bitirdikdən sonra təhsilini təyyarə təmiri emalatxanasında davam etdirmiş və 1985-ci ildə texniki-peşə məktəbini bitirdikdən sonra həqiqi hərbi xidmətə çağırılmışdır. İxtiyar Eyyubov 2 il Çita Respublikasının Ulan-ude şəhərində hərbi xidmət keçdikdən sonra 1987-ci ildə hərbi xidmətdən qayıtmışdır. O, sənəti üzrə müxtəlif emalatxanalarda işləmişdir. O, 1992-ci ilin iyun ayında Kəpəz Rayon Hərbi Komissarlığı tərəfindən əsgərliyə çağrılmış, 181 saylı hərbi hissənin tərkibində Ağdam, Ağdərə rayonlarında erməni işğalçılarına qarşı vuruşmuşdur. Eyyubov İxtiyar Eyyub oğlu 25 dekabr 1993-cü ildə Beyləqan rayonu ərazisində yerləşən Bəytəpə yüksəkliyi uğrunda gedən döyüşlərdə itkin düşmüş və bu günədək də tapılmamışdır. Məhkəmənin 2-2642001 nömrəli qərarına əsasən Eyyubov İxtiyar Eyyub oğlu ölmüş elan edilmişdir.