Şəhidlərimiz — I Qarabağ Müharibəsi

Dünyamalıyev Rəhman Sayad oğlu 1964-cü il oktyabrın 20-də Gəncə şəhərində anadan olmuşdur. Gəncədəki 42 saylı orta məktəbi bitirmişdi. 1982-1984-cü illərdə Sverdlovsk vilayətində hərbi xidmətdə olmuşdur. Dəmiryol fəhlə təchizatı şöbəsində işləmişdi.

1991-ci il dekabrın 21-də Rəhman Dünyamalıyev Kəpəz Rayon Hərbi Komissarlığı tərəfindən ordu sıralarına çağırılmışdır. Gənc əsgər Dünyamalıyev ilk günlərdə Əsgəran rayonunda vuruşmuşdu. Döyüşlərdə hər an öndə gedən Dünyamalıyev komandirləri və döyüşçü yoldaşlarının böyük hörmətini qazanmışdı. Naxçıvanik kəndi uğrunda gedən döyüşlərin birində ağır yaralanan Rəhman 10 gün ermənilərin əlində əsir qalmış və vəhşicəsinə qətlə yetirilmişdir.

1992-ci il fevral ayının 3-də ermənilər tərəfindən qətlə yetirilən   Rəhman Sayad oğlu Dünyamalıyev Gəncənin Şəhidlər Xiyabanında dəfn olunmuşdur.
Rəhmanın 40-ı çıxan günü oğul dərdinə dözə bilməyən atası Sayad Dünyamalıyev də vəfat etmişdi. Ailəli idi, 1 oğlu var.