Şəhidlərimiz — I Qarabağ Müharibəsi

Əsədov Cəfər Əsgər oğlu 12 iyul 1963-cü ildə Ermənistanın Vedi rayonunun Yuxarı Axtala kəndində kəndində anadan olub. Həmin kəndin orta məktəbini bitirib, hərbi xidmətə yollanıb.
Hərbi xidmətdən qayıtdıqdan sonra 1987-ci ildə Gəncə şəhərinə gəlib orda yaşayır və beton zavodunda işləməyə başlayır. Daha sonra Vətənin dar günündə könüllü olaraq müharibəyə gedir. 2 il müharibədə döyüşən zaman yaralanıb gəlir, bir müddətdən sonra 1992-ci ildə isə ailə həyatı qurur. 1993-cü ildə Vətənin dar günündə döyüşlərdə iştirak edir. 1993-cü ilin avqust ayının 18-də Ağdamda gedən döyüşdə şəhid olmuşdur. Sovetlər İttifaqının Silahlı Qüvvələrində müddətli həqiqi hərbi xidmət keçmişdir.
1991-1994-cü illərdə Azərbaycan Respublikasının ərazi bütövlüyü, suverenliyi və müstəqilliyinin qorunması uğrunda erməni düşmənlərinə qarşı rəşadətlə vuruşmuşdur. Qarabağ uğrunda gedən döyüşlərdə şəxsi igidlik nümunələri göstərmişdir. Onun kəşfiyyat dəstəsi düşmənin silah-sursat anbarlarını, strateji obyektlərini və sığınacaqlarını aşkarlayaraq məhv etmişdir.
18 avqust 1993-cü ildə şiddətli döyüşlər zamanı qəhrəmancasına şəhid olmuşdur. Gəncə Şəhidlər Xiyabanında dəfn edilmişdir.
Evli idi. Yadigar olaraq Nişanə adlı 1 qızı qalıb.