Şəhidlərimiz — Digər

Abdullayev Firdovsi Mais oğlu 2003-cü il fevral ayının 19-da Gəncə şəhərində anadan olmuşdur. O, orta təhsilinə Sevinc qəsəbəsində yerləşən 21 nömrəli tam orta məktəbdə başlamış, daha sonra isə Goranboy rayonunun Qaradağlı kəndində yerləşən Mübariz Səfərov adına tam orta məktəbdə davam etdirmişdir. Şabran rayonu Pərviz İdrisov adına Ağbaş kənd tam orta məktəbində almışdır.

Təhsil müddətində Yunan-Roma güləşi ilə məşğul olmuş, 2013-2015-ci illər ərzində iştirak etdiyi yarışlarda ümumilikdə 32 medal qazanmışdır. Onun haqqında hər kəs müsbət fikirdə idi . Onun mərd, cəsur , vətənpərvər insan olduğunu deyirdilər.

2021-ci il aprel ayının 1-də həqiqi hərbi xidmətə yollanmışdır. Firdovsi Abdullayev 2022-ci il mart ayının 3-də Laçın rayonunda xidmətdə olarkən yüksək dağlıq və çətin relyefli ərazidə hava şəraitinin qəfil dəyişməsi və çovğun səbəbindən istiqaməti istiqaməti itirərək itkin düşmüşdür. Firdovsi Abdullayevin nəşi 2024-cü il iyul ayının 3-də Kəlbəcər rayonu, İstisu qəsəbəsindəki Yüzbulaq yaylağının ərazisində tapılmışdır. 2024-cü il avqust ayının 7-də nəşi ailəsinə təhvil verilmiş, avqust ayının 8-də Gəncə Şəhidlər Xiyabanında torpağa tapşırılmışdır.
Subay idi. 

Ailə tərkibi
1.Ata-Abdullayev Mais Ənvər oğlu
2.Ana- A.Nəzakət Firdovsi qızı
3.Bacı-A.Nuray Mais qızı 
4.Qardaş-A.Məhərrəm Mais oğlu