Şəhidlərimiz — Digər

Rəcəbov Vaqif Yaqub oğlu 23 fevral 1982-ci il Naxçıvan şəhərində anadan olmuşdur. 1988-ci ildə 7 saylı tam orta məktəbin 1-ci sinfinə daxil olmuşdur. 1996-cı ildə Hərbi litseyə qəbul olmuşdur. 2000-ci ildə Hərbi litseyi bitirmişdir. Elə həmin il Hərbi xidmətə çağırılıb. Xidməti bitirdikdən sonra Daxili Qoşunların Xüsusi Təyinatlı dəstəsinə işə qəbul olunub. 
  2010-cu ildə Gəncə N saylı Hərbi hissəsinə təyinat alıb. Bir neçə zirehli texnikaların ( Kobra, Toma və s. ) operatoru vəzifəsində çalışıb. Daxili qoşunların XTD-də xidmət etmişdir. Sağlığında "10 il qüsursuz xidmətə görə" medalı ilə təltif edilmişdir.
  20 sentyabr 2023-cü il tarixində Lokal antiterror əməliyyatı nəticəsində Ağdərə bölgəsində bir neçə erməni terroristini məhv etmişdir.
  İgidlik göstərərək elə həmin 23 saatlıq döyüşdə şəhidlik zirvəsinə ucalmışdır. 
  Qəhrəmanımız Naxçıvan şəhər qəbiristanlığında dəfn olunmuşdur.
  Rəcəbov Vaqif Yaqub oğlu Azərbaycan Respublikasının Prezidenti İlham Əliyevin Sərəncamı ilə “Vətən uğrunda” (ölümündən sonra), Azərbaycan Respublikasının Prezidenti İlham Əliyevin Sərəncamı ilə “Vətənə xidmətə görə” (ölümündən sonra) ordeni və medalları ilə təltif olunmuşdur. 

 Ailəlidir. 3 övladı yadigar qalmışdır.