Şəhidlərimiz — Digər

Novruz Əli oğlu Haxverdiyev 1996-cı il martın 25-də Daşkəsən rayonu, Alunitdağ qəsəbəsində anadan olub. Ailədə 4 uşaq olublar. Novruz Alunitdağ məktəbində təhsil alıb. Orta təhsilini başa vurub hərbi xidmətə yollanan Novruz xidmətini başa vurduqdan sonra könüllü olaraq MAXE kimi orduda qalmağa davam edib.

Novruz Vətən müharibəsinin gedişində Murovdağ istiqamətində gedən döyüşlərdə qəhrəmanlıq göstərib. Oktyabrın 2-i şərti adı “Ağdağ” döyüş mövqeyi ətrafında hərbi əməliyyatlar nəticəsində döyüşərək şəhid olub. Şəhidimizin adı uzun müddət itkin düşənlərin siyahısında olub. Nəhayət, 19 yanvar 2021-ci ildə şəhidin nəşi tapılaraq Gəncə şəhəri Şəhidlər Xiyabanında torpağa tapşırılıb.

Haxverdiyev Novruz Əli oğlu Azərbaycan Respublikasının Prezidenti İlham Əliyevin Sərəncamı ilə “Vətən uğrunda” (ölümündən sonra) və Azərbaycan Respublikasının Prezidenti İlham Əliyevin Sərəncamı ilə “İgidliyinə görə” (ölümündən sonra), Azərbaycan Respublikasının Prezidenti İlham Əliyevin Sərəncamı ilə “Kəlbəcərin azad olunmasına görə ” (ölümündən sonra), Azərbaycan Respublikasının Prezidenti İlham Əliyevin Sərəncamı ilə “Şücaətə görə” (ölümündən sonra) medalları ilə təltif olunmuşdur.