Şəhidlərimiz — Digər

Axundov Murad Xıdır oğlu 04 avqust 2004-cü ildə Gəncə şəhərində anadan olmuşdur.O, 2010-cu ildə 19 nömrəli tam orta məktəbə daxil olub.2019-cu ildə həmin məktəbin 9-cu sinifi bitirib, 2 saylı peşə litseyinə daxil olub.4 il peşə litseyində çilingərlik ixtisası üzrə təhsil almışdır.2022-ci ildə Peşə təhsilini bitirir və həmin ildə hərbi xidmətə çağırılır. Quru qoşunlarının əsgəri olub. 45 gündən sonra öz xahişi ilə "Komando qoşunları"na keçir. "Komando dağ-təlim mərkəzi"ndə keçirilmiş "Komando başlanğıc kursu"nu müvəffəqiyyətlə bitirmiş və "Komando başlanğıc sertifikatı" ilə təltif olunmuşdur. Sonradan snayper təlimlərinə getmiş təlimini davam etdirdiyi günlərdə 2023-cü ildə sentyabrın 19-20-də gedən antiterror döyüşlərinə yollanır. Xocavəndin rayonunun işğaldan azad olunması uğrunda döyüşərək qəhrəmancasına şəhid olur. Onun şəhid olarkən 19 yaşı vardı. 
  Azərbaycan Respublikasının Prezidenti İlham Əliyevin Sərəncamı ilə “Vətən uğrunda” (ölümündən sonra) və Azərbaycan Respublikasının Prezidenti İlham Əliyevin Sərəncamı ilə “Şücaətə görə” (ölümündən sonra), Azərbaycan Respublikasının Prezidenti İlham Əliyevin Sərəncamı ilə 3-cü dərəcəli “Rəşadət ordeni ” (ölümündən sonra) ordeni və medalları ilə təltif olunmuşdur. 
 
   Subay idi.