Şəhidlərimiz — II Qarabağ Müharibəsi

   Asiman İmamverdiyev 1988-ci il avqustun 2-də Gəncə şəhərində anadan olub. 1995-2006-cı illərdə Gəncə şəhəri 8 nömrəli tam orta məktəb bitirib.Məktəbdə nümunəvi şagird olmuşdur.2007-ci ildə hərbi xidmətə çağırılmışdır.2021-ci ildə Türkiyədə Komando kursunda iştirak etmişdir.
   Azərbaycan Ordusunun giziri Asiman İmamverdiyev 2022-ci il sentyabrın 12-də Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı şəhid olub, Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmişdir.Toğana, Gədəbəy, Kəlbəcər rayonlarının müdafiəsində yaxından iştirak etmişdir.191 saylı postu aldığı üçün şəhidin adı həmin posta verilmişdir.
  Sentyabrın 12-dən 13-nə keçən gecə "Bala Göyçə",  "Buğda dağı" əməliyyatı nəticəsində şəhid olmuşdur. Gəncə Şəhidlər Xiyabanında dəfn olunub.
  Həmçinin şəhidin qaynatası Ələkbərov Sabir Xəlil oğlu 26.02.1993-cü ildə Ağdərə uğrunda gedən dğyüşlərdə şəhid olmuşdur.
  İmamverdiyev Asiman Mehman oğlu  Azərbaycan Respublikasının Prezidenti İlham Əliyevin 2022-ci il tarixli Sərəncamı ilə “100 illik yubiley”  medalı, Azərbaycan Respublikasının Prezidenti İlham Əliyevin Sərəncamı ilə “Vətən uğrunda” (ölümündən sonra), Azərbaycan Respublikasının Prezidenti İlham Əliyevin 24 dekabr Sərəncamı ilə  “Azərbaycan  bayrağı” (ölümündən sonra) medalları ilə təltif olunmuşdur.   
   
    Ailəli idi.Şəhidin 2 övladı yadigar qalmışdır.