Şəhidlərimiz — I Qarabağ Müharibəsi

Rustəmov Kamandar Fərman oğlu 3 iyun 1959 ci ildə Gürcustan Respublikasının Bolnisi rayonunda  doğulmuşdur. 1966-1976 ci il tarixlərində Bolnisi rayon İmirəsən kənd orta məktəbində təhsil almışdır. 1979-1981 ci il tarixlərində Rusiya Federasiyası Novosibirsk şəhərində hərbi xidmətdə olmuşdur. Hərbi xidmətini başa vurduqdan sonra Novosibirsk Dəmir Yol Nǝqliyyat  İnistituna daxil olmuşdur.

1983-cü ildə ailə həyatı qurmuşdur. 1986 ci ildə Novosibirsk Dəmir Yol Nǝqliyyat  İnistitunu əla qiymətlərlə bitirmiş və elə həmin ildə Orsk şəhər Dəmir Yol Bölməsində yük daşımaların təşkili üzrə rəis müavini vəzifəsinə təyin olunmuşdur.

Bir müddət burada işlədikdən sonra 1988-ci il oktyabr ayının 4-də köçürmə yolu ilə Gəncə şəhər Dəmir Yol Bölməsində Təhlükəsizlik mühəndisi vəzifəsinə təyin olunmuşdur. 1988-ci il noyabr ayının 25-də saat 13:50 radələrində işə gedərkən, sovet qoşunlarının qanunsuz hərəkətləri nəticəsində atılan avtomat atəşindən sonra başından aldığı güllə yarasından yerindəcə keçinmişdir. Rustəmov Kamandar Fərman oğluna Azərbaycan Respublikası Nazirlər Kabinetinin 1994-cü il 15 yanvar tarixli 10 saylı Qərarına əsasən şəhid statusu verilmişdir. İki övladı yadigar qalıb.

Şəhidin xatirəsinə hörmət əlaməti olaraq, Gəncə Dəmir Yol Stansiyasında şəkil lövhəsi vurulmuşdur.