Şəhidlərimiz — I Qarabağ Müharibəsi

Cəfərov Çingiz Kazım oğlu 17 fevral 1969-cu ildə Gəncə şəhərində anadan olmuşdur. O, 18 saylı orta məktəbdə təhsil almışdır. Orta məktəbi bitirdikdən sonra 1987-ci ildə həqiqi hərbi xidmətə çağırılmış və Ukrayna Respublikasının Krivoy Roq şəhərində 3 il hərbi xidmət keçmişdir. Çingiz Cəfərov hərbi xidmətdən qayıtdıqdan sonra Gəncə şəhərində yerləşən mebel fabrikasında fəhlə işləmişdir. O, 27 mart 1992-ci il tarixdə Nizami Rayon Hərbi Komissarlığı tərəfindən hərbi xidmətə çağırılmış, Tərtər Özünümüdafiə batalyonunda xidmət etmişdir. Tərtər rayonunun müdafiəsində böyük qəhrəmanlıq göstərmiş, döyüş zamanı daim öndə irəliləmişdi. 11 may 1992-ci il tarixdə Tərtər rayonu uğrunda gedən döyüşlərdə qəhrəmancasına həlak olmuş və Gəncə şəhəri Şəhidlər Xiyabanında dəfn olunmuşdur.