Şəhidlərimiz — II Qarabağ Müharibəsi

 İbrahimov Murad Valeh oğlu 06 sentyabr 1993-cü ildə Gəncə şəhərində doğulmuşdur.

1999-cu ildə Gəncə şəhər 12 nömrəli tam orta məktəbin 1-ci sinfinə daxil olmuşdur.
2008-2009-cu illərdə 1 nömrəli Gəncə Peşə liseyində (indiki Sənaye və Texnologiyalar üzrə Gəncə Dövlət Peşə Təhsil Mərkəzi) təhsil almışdır. 2011-ci ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağrılmış, Müdafiə Nazirliyinin “N” saylı hərbi hissəsində xidməti borcunu yerinə yetirmişdir.2014-cü ildən MAHHX HQ kimi Azərbaycan Ordusunda xidmətə başlamışdır.27 sentyabr 2020-ci il tarixində Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilmişdir.
Murad İbrahimov Vətən müharibəsində iştirak edərək, Kəlbəcər rayonu və Murovdağ istiqamətlərində gedən döyüşlərdə yer almışdır. 

3 oktyabr 2020-ci il tarixində Kəlbəcər rayonunun Qaragöl istiqamətində (Çınqıllıq adlanan ərazi) şəhid olmuşdur.

23 yanvar 2021-ci il tarixində Gəncə şəhərinin Şəhidlər xiyabanında dəfn edilmişdir. 
İbrahimov Murad Valeh oğlu Azərbaycan Respublikasının Prezidenti İlham Əliyevin 24 iyun 2021-ci il tarixli Sərəncamı ilə “Vətən uğrunda” (ölümündən sonra), Azərbaycan Respublikasının Prezidenti İlham Əliyevin 2021-ci il tarixli Sərəncamı ilə “İgidliyinə görə” (ölümündən sonra) və Azərbaycan Respublikasının Prezidenti İlham Əliyevin 05 noyabr 2022-ci il tarixli Sərəncamı ilə 3-cü dərəcəli “Vətənə xidmətə görə” (ölümündən sonra) medalları ilə təltif olunmuşdur. 

Ailəli idi.