Şəhidlərimiz — II Qarabağ Müharibəsi

Kazımov Xuduş Həsən oğlu 8 sentyabr 1988-ci ildə Rusiya Federasiyasının Moskva şəhərində doğulmuşdur. 

2004-cü ildə Gəncə şəhər 20 nömrəli tam orta məktəbin 9-cu sinfini bitirmişdir.

2008-ci ildə Gəncə Texniki Kollecini (indiki Gəncə Dövlət Regional Kolleci) bitirmişdir.

2008-ci ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağrılmış, Müdafiə Nazirliyinin “N” saylı hərbi hissəsində xidmət etmişdir.

2019-cu ilin may ayında MAXE hərbi qulluqçu kimi Azərbaycan Ordusunda xidmət etməyə başlamışdır. 

27 sentyabr 2020-ci il tarixində Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilmişdir. Xuduş Kazımov Vətən müharibəsində iştirak edərək, Murov Zirvəsi, Kəlbəcər rayonu istiqamətlərində gedən döyüşlərdə yer almışdır. 

2 oktyabr 2020-ci ildə Kəlbəcər rayonu istiqamətlərində gedən döyüşlərdə şəhidlik zirvəsinə yüksəlmişdir.

20 yanvar 2021ci il tarixində Gəncə şəhərinin Şəhidlər xiyabanında dəfn olunmuşdur.

Ailəli idi. 2 övladı yadigar qalıb.