Şəhidlərimiz — II Qarabağ Müharibəsi

Muxtarov Sərxan İlqar oğlu 26 iyun 1988-ci ildə Gəncə şəhərində doğulmuşdur. 

2005-ci ildə Gəncə şəhər 36 nömrəli tam orta məktəbi bitirmişdir. 

2005-2009-cu illərdə Heydər Əliyev adına Azərbaycan Ali Hərbi Məktəbinə daxil olmuş, “Motoatıcı” ixtisası üzrə ali hərbi təhsil alıb leytenant ilkin hərbi zabit rütbəsi alımışdır. 

Hərbi xidmət müddətində mayor rütbəsinə qədər yüksələn Dövlət Sərhəd Xidmətinin zabiti Sərxan Muxtarov  27 sentyabr  2020-ci ildən başlayan Vətən müharibəsinin bir çox döyüşlərində və əməliyyatlarında iştirak etmişdir. 

Vətən müharibəsi dövründə mayor Sərxan Muxtarov Müdafiə Nazirliyinin müxtəlif hərbi hissələrinin tərkibində Ağcabədi, Ağdam, Qazax, Qubadlı və DSX-da hərbi xidmətdə olmuşdur. O, Füzuli, Cəbrayıl, Qubadlı, Laçın, Zəngilan rayonları uğrunda gedən döyüşlərdə iştirak etmişdir.

12 yanvar 2021-ci ildə Qubadlı rayonunda “N” saylı hərbi hissənin tərkibində xidmətdə olarkən minaya düşərək şəhidlik zirvəsinə ucalmışdır.

13 yanvar 2021-ci ildə Gəncə şəhərinin Şəhidlər xiyabanında dəfn olunmuşdur.

Ailəli idi. Bir övladı yadigar qalıb.