Şəhidlərimiz — II Qarabağ Müharibəsi

Mirzəyev Hüseyn Elsevər oğlu 19 iyul 2001-ci ildə Gəncə şəhərində doğulmuşdur.

2018-ci ildə Gəncə şəhər 46 nömrəli tam orta məktəbi bitirmişdir.

2019-cu ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağrılmış, Müdafiə Nazirliyinin “N” saylı hərbi hissəsində xidmətə başlamışdır.

27 sentyabr 2020-ci il tarixində Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilmişdir. Azərbaycan Ordusunun əsgəri olaraq, Hüseyn Mirzəyev Vətən müharibəsində iştirak etmiş, Füzuli, Cəbrayıl və Xocavənd rayonlarının azadlığı uğrunda vuruşmuşdur.

21 dekabr 2020-ci ildə  Şuşa şəhərinin ("Qırmızı bazar" qəsəbəsi) uğrunda  gedən döyüşlərdə şəhidlik zirvəsinə yüksəlmişdir.

22 dekabr 2020-ci ildə Gəncə şəhərinin Şəhidlər xiyabanında dəfn olunmuşdur.
Mirzəyev Hüseyn Elsevər oğlu Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə “Vətən uğrunda” (ölümündən sonra),Azərbaycan Respublikasının Prezidenti İlham Əliyevin Sərəncamı ilə “Vətənə xidmətə görə ” (ölümündən sonra) və  Azərbaycan Respublikasının Prezidenti İlham Əliyevin 26 noyabr 2020-ci il tarixli Sərəncamı ilə “Füzulinin azad olunmasına görə” (ölümündən sonra) medalları ilə təltif olunmuşdur. 
 Subay idi. 
 Ailə tərkibi:
1.Ata-Mirzəyev Elsevər Akif oğlu
2.Ana-Mirzəyeva Günel İlyas qızı
3.Qardaşı-Mirzəyev Həsən Elsevər oğlu
4.Qardaşı-Mirzəyev Hüseyn Elsevər oğlu