Şəhidlərimiz — II Qarabağ Müharibəsi

Məmmədov İlham Rauf oğlu 14 fevral 1999-cu ildə Gəncə şəhərində doğulmuşdur.

2016-cı ildə Gəncə şəhər M.Əzizbəyov adına 15 nömrəli tam orta məktəbi bitirmişdir.

2017-cu ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağrılmış, Müdafiə Nazirliyinin “N” saylı hərbi hissəsində xidmət etmişdir.

27 sentyabr 2020-ci il tarixdə Vətən Müharibəsinin başlaması ilə əlaqədar Azərbaycan Prezidenti İlham Əliyevin ölkədə qismən səfərbərlik elan edilməsi haqqında 28 sentyabr 2020-ci il tarxli Sərəncamına uyğun olaraq İlham Məmmədov yenidən hərbi xidmətə çağrılmışdır. O, Vətən müharibəsində iştirak edərək, Xocavənd rayonunun Ağoğlan (Hadrut), Füzuli və Qubadlı rayonlarının azadlığı uğrunda gedən döyüşlərdə yer almışdır. 
9 noyabr  2020-ci ildə Xocavənd uğrunda gedən döyüşlərdə şəhidlik zirvəsinə ucalmışdır.

21 noyabr 2020-ci ildə Gəncə şəhərinin Şəhidlər xiyabanında dəfn olunmuşdur.

Məmmədov İlham Rauf oğlu Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə “Vətən uğrunda” (ölümündən sonra),  Azərbaycan Respublikasının Prezidenti İlham Əliyevin 18 dekabr 2020-ci il tarixli Sərəncamı ilə “Döyüşdə fərqləndiyinə görə” (ölümündən sonra) və  Azərbaycan Respublikasının Prezidenti İlham Əliyevin 25 dekabr 2020-ci il tarixli Sərəncamı ilə “Xocavəndin azad olunmasına görə” (ölümündən sonra) medalları ilə təltif olunmuşdur. 

Subay idi.