Şəhidlərimiz — II Qarabağ Müharibəsi

Məmmədov İbrahim Azər oğlu 25 fevral 2000-ci ildə Gəncə şəhərində doğulmuşdur.

2018-ci ildə İ.Qayıbov  adına 1 nömrəli tam orta məktəbi bitirmişdir. 

2018-ci ilin Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağrılmış, Müdafiə Nazirliyinin SQ Təlim Tədris Mərkəzində xidmət etmişdir.

27 sentyabr 2020-ci il tarixdə Vətən Müharibəsinin başlaması ilə əlaqədar o könüllü olaraq müharibəyə getmək üçün yazılmışdır.Azərbaycanın ərazi bütövlüyünün təmin edilməsi və işğal altında olan torpaqlarımızın azadlığı uğrunda vuruşmuş,  Füzuli və Zəngilan rayonları istiqamətində gedən döyüşlərdə iştirak etmişdir.  

9 noyabr 2020-ci il tarixində Şuşa yaxınlığında gedən döyüşlərdə şəhidlik zirvəsinə ucalmışdır.

14 noyabr 2020-ci ildə Gəncə şəhərinin Şəhidlər xiyabanında dəfn olunmuşdur.

Məmmədov İbrahim Azər oğlu Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə “Vətən uğrunda” (ölümündən sonra), Azərbaycan Respublikasının Prezidenti İlham Əliyevin 18 dekabr 2020-ci il tarixli Sərəncamı ilə “Cəsur döyüşçü” (ölümündən sonra) və Azərbaycan Respublikasının Prezidenti İlham Əliyevin 29 dekabr 2020-ci il tarixli Sərəncamı ilə “Şuşanın azad olunmasına görə” (ölümündən sonra) medalları ilə təltif olunmuşdur.
Subay idi.
Ailə tərkibi:
1.Ata-Məmmədov Azər Arzu oğlu
2.Ana-Adıgözəlova Kəmalə Allahverdi qızı
3.Qardaşı-Məmmədov Yusif Azər oğlu 
4.Bacısı-Məmmədova Azərin Azər qızı