Bayramov Elçin Sabir Oğlu
- Doğum Tarixi: 19.12.1969
- Şəhər: Gəncə
- Rütbə: -
- Dövr: I Qarabağ Müharibəsi
Bayramov Elçin Sabir oğlu 1969-cu il dekabrın 19-da Gəncə şəhərində anadan olmuşdur. Orta təhsilini 28 saylı orta məktəbdə almışdır. 1988-1990-cı illərdə Macarıstanda hərbi xidmətdə olmuşdur. Qayıtdıqdan sonra Çini Qablar zavodunda çilingər işləmişdir. Elçin 1993-cü ildə Nizami Rayon Hərbi Komissarlığı tərəfindən həqiqi hərbi xidmətə çağırılmışdır. Atıcı idi. 161 saylı hərbi hissədə xidmət etmişdi. Layiqli xidmətinə görə hərbi hissə komandiri tərəfindən neçə-neçə tərifnamələr və həvəsləndirici mükafatlara layiq görülmüşdür. Hərbi hissənin zabit və gizir heyəti tərəfindən hörmətlə qarşılanan gənc əsgər Elçin ona verilən əmr və tapşırıqları layiqincə yerinə yetirirdi. Ağdam bölgəsində neçə-neçə kəndin müdafiəsində vuruşmuşdur.
Bayramov Elçin Sabir oğlu 1994-cü il dekabrın 30-da ağır gedən döyüşlərin birində düşmən gülləsinə tuş gələrək şəhid olur. Məzarı Gəncənin Şəhidlər Xiyabanındadır. Elçin Bayramov xatirə kitabında ölümündən 3 gün əvvəl bir parça bu şeri yazmışdır:
Əzizim dərd əlindən,
Can çıxar dərd əlindən.
Bir dəfə of deməzdim,
Ölsəydim mərd əlindən.
Bayramov Elçin Sabir oğlu 1994-cü il dekabrın 30-da ağır gedən döyüşlərin birində düşmən gülləsinə tuş gələrək şəhid olur. Məzarı Gəncənin Şəhidlər Xiyabanındadır. Elçin Bayramov xatirə kitabında ölümündən 3 gün əvvəl bir parça bu şeri yazmışdır:
Əzizim dərd əlindən,
Can çıxar dərd əlindən.
Bir dəfə of deməzdim,
Ölsəydim mərd əlindən.
