Şəhidlərimiz — II Qarabağ Müharibəsi

Mahmudov Elşad Suliddin oğlu 12 iyul 1997-ci ildə Gəncə şəhərində doğulmuşdur. 

2014-cü ildə Gəncə şəhər 7 nömrəli tam orta məktəbi bitirmişdir.

2014-cü ildə ADAU-nun “Mühasibat uçotu və audit” ixtisasına qəbul olmuş, 2018-ci ildə ali təhsilini başa vurmuşdur. 

2018-ci ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən hərbi xidmətə çağrılmış, Naxçıvan Muxtar Respublikasındakı “N” saylı hərbi hissədə xidmət  etmişdir.

27 sentyabr 2020-ci il tarixində Vətən Müharibəsinin başlaması ilə əlaqədar Azərbaycan Prezidenti İlham Əliyevin ölkədə qismən səfərbərlik elan edilməsi haqqında 28 sentyabr 2020-ci il tarixli Sərəncamına uyğun olaraq yenidən hərbi xidmətə çağrılmışdır. O, Füzuli, Cəbrayıl və Laçın rayonlarının azadlığı uğrunda gedən döyüşlərdə vuruşmuşdur.

6 noyabr 2020-ci ildə Laçın rayonu uğrunda gedən döyüşlərdə şəhidlik zirvəsinə ucalmışdır.

7 noyabr 2020-ci ildə Gəncə şəhərinin Şəhidlər xiyabanında dəfn olunmuşdur.

Mahmudov Elşad Suliddin oğlu Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə “Vətən uğrunda” (ölümündən sonra), Azərbaycan Respublikasının Prezidenti İlham Əliyevin 24 dekabr 2020-ci il tarixli Sərəncamı ilə “Cəbrayılın azad olunmasına görə” (ölümündən sonra), Azərbaycan Respublikasının Prezidenti İlham Əliyevin 25 dekabr 2020-ci il tarixli Sərəncamı ilə “Füzulinin azad olunmasına görə” (ölümündən sonra) və Azərbaycan Respublikasının Prezidenti İlham Əliyevin 29 dekabr 2020-ci il tarixli Sərəncamı ilə “Laçının azad olunmasına görə” (ölümündən sonra) medalları ilə təltif olunmuşdur. 

Subay idi.