Şəhidlərimiz — I Qarabağ Müharibəsi

Bayramov Aytəkin Səlim oğlu 8 noyabr 1962-ci il tarixdə Gəncə şəhərində anadan olmuşdur. O, orta məktəbi bitirdikdən sonra 1980-ci ildə həqiqi hərbi xidmətə çağırılmış, hərbi xidmətdən qayıtdıqdan sonra Gəncə şəhəri Çini qablar zavodundu mühəndis vəzifəsində işləmşdir. Aytəkin Bayramov könüllü olaraq 1992-ci il tarixdə cəbhəyə yollanmış, 738 saylı hərbi hissənin tərkibində vuruşaraq Qarabağ uğrunda gedən döyüşlərdə böyük şücaət göstərmişdir. Onun əsas döyüşləri Ağdərə istiqamətində olmuşdur. Aytəkin Bayramov növbəti döyüş əməliyyatını yerinə yetirərkən 14 dekabr 1993-cü il tarixdə həlak olmuş və onun meyiti Gəncə şəhərinə gətirilərək Şəhidlər Xiyabanında dəfn edilmişdir.