Şəhidlərimiz — I Qarabağ Müharibəsi

Sokolov-Əliyev Vitali Leonidoviç 10 iyul 1971-ci ildə Havana şəhərində dünyaya gəlmiş, ailənin son beşiyi olmuşdur. 1976-cı ildə valideynləri ilə birlikdə Gəncə şəhərinə gəlmişlər və Vitali orta təhsilini Gəncə şəhəri 29 saylı orta məktəbdə almışdır. O, orta məktəbi bitirdikdən sonra Tbilisi şəhərində yerləşən Hərbi Artilleriya Komandanlığı Məktəbinə daxil olmuş və oranı əla qiymətlərlə bitirmişdir. Qarabağ savaşı başlanan kimi leytenant rütbəli Vitali könüllü surətdə cəbhəyə yollanmış, 907 saylı hərbi hissənin tərkibində artilleriya batareyasının komandiri vəzifəsində Ağdərə, Sırxavənd, Vaqouz kəndlərinin azad edilməsində böyük igidlik göstərmişdir. Sokolov-Əliyev Vitali Leonidoviç 1992-ci il noyabr ayının 22-də döyüş tapşırığını yerinə yetirərkən mina partlayışı nəticəsində həlak olmuş və Gəncə şəhəri Şəhidlər Xiyabanında dəfn olunmuşdur.