Şəhidlərimiz — I Qarabağ Müharibəsi

Səfixanov Telman Kərim oğlu 10 may 1958-ci ildə Gəncə şəhərində anadan olmuşdur. O, 34 saylı orta məktəbi bitirdikdən sonra sovet ordusu sıralarında xidmət etmişdir. Telman Səfixanov hərbidən qayıtdıqdan sonra Xalça kombinatında əmək fəaliyyətinə başlamışdır. O, 1989-cu ildə ailə qurmuş və 1 oğlan övladı dünyaya gəlmişdir. Telman Səfixanov Kəpəz Rayon Hərbi Komissarlığı tərəfindən 1992-ci ilin fevral ayında cəbhəyə çağırılmış, ilk döyüş yolunu Kəlbəcər rayonunun müdafiəsindən başlamışdır. O, Ağdam, Agdərə döyüş əməliyyatlarında iştrak etmiş, komandirləri tərəfindən ona verilmiş döyüş tapşırıqlarını vaxtında və layiqli yerinə yetirmişdir. Dəfələrlə xidmət etdiyi hərbi hissə tərəfindən onun valideynlərinə təşəkkürnamələr göndərilmişdir. Səfixanov Telman Kərim oğlu 20 yanvar 1993-cü ildə Kəlbəcər rayonunun Vəng kəndində itkin düşmüşdür.