Şəhidlərimiz — I Qarabağ Müharibəsi

Mustafayev Həmid Baba oğlu 15 noyabr 1961-ci ildə Samux rayonunun Qarabağlı kəndində anadan olmuşdur. O, kənd orta məktəbini bitirdikdən sonra 1979-1981-ci illərdə sovet ordusu sıralarında həqiqi hərbi xidmət keçmişdir. Həmid Mustafayev hərbidən qayıtdıqdan sonra Gəncə şəhərinə gəlib burada yaşamış, Dəmir-Beton zavodunda traktorçu kimi işləməyə başlamışdır. O, 1985-ci ildə ailə qurmuş, Anar və Aynur adlı övladları dünyaya gəlmişdir. Erməni qəsbkarlarının haqsız olaraq Azərbaycan torpaqlarına olan iddialarına dözə bilməyən Həmid Mustafayev 1993-cü ilin fevral ayında könüllü olaraq hərbi xidmətə getmiş, Ağdam rayonunun müdafiəsində böyük qəhrəmanlıqlar göstərmişdir. Mustafayev Həmid Baba oğlu 1 yanvar 1994-cü ildə Ağdam rayonunun Salahlı kəndi uğrunda gedən qızğın döyüşdə şəhid olmuş və Samux rayonunun Qarabağlı kəndində dəfn olmuşdur.