Şəhidlərimiz — I Qarabağ Müharibəsi

Məmmədov Vaqif Məhəmməd oğlu 4 sentyabr 1952-ci ildə Kəlbəcər rayonunun Elyaslar kəndində anadan olmuşdur. O, orta məktəbi bitirdikdən sonra 1970-1972-ci illərdə sovet ordusu sıralarında xidmət etmişdir. Vaqif Məmmədov hərbidən qayıtdıqdan sonra Azərbaycan Texnologiya Universitetinə daxil olmuş, həmin universiteti fərqlənmə dirlomu ilə bitirərək geoloq ixtisasına yiylənmişdir. Vaqif Məmmədov universitetdə qiyabi təhsil almaqla yanaşı, eyni zamanda 1975-ci ildən etibarən Gəncə şəhər Gil-Torpaq İstehsalat Birliyində elektrik vəzifəsində işləmişdir. O, 1978-ci ildə ailə qurmuş, 3 oğul övladı dünyaya gəlmişdir. Vaqif Məmmədov 1992-ci il fevral ayının 27-də Xocalı soyqırımdan sonra haqsızlığa dözə bilməyib könüllü olaraq cəbhəyə yollanmış, Ağdərə, Kəlbəcər rayonlarının müdafiəsində böyük igidlik göstərmişdir. Məmmədov Vaqif Məhəmməd oğlu 5 may 1992-ci ildə Kəlbəcər uğrunda gedən döyüşlərdə düşmən gülləsinə tuş gələrək qəhrəmancasına həlak olmuş və yaşadığı Elyaslar kəndində dəfn olunmuşdur.