Şəhidlərimiz — I Qarabağ Müharibəsi

Məhədov Ərəstun Ələkbər oğlu 27 may 1973-cü ildə Gəncə şəhərində anadan olmuşdur. O, 19 saylı orta məktəbin 8-ci sinfini bitirdikdən sonra 27 saylı texniki-peşə məktəbində təhsilini davam etdirmiş və 3-cü dərəcəli təmirçi çilingər peşəsinə yiyənmişdir. 1992-ci ilin iyun ayında Kəpəz Rayon Hərbi Komissarlığı tərəfindən həqiqi hərbi xidmətə çağırılmış və Lənkəran rayonunda yerləşən 820 saylı hərbi hissədə xidmətə başlamışdır. Məhədov Ərəstun Ələkbər oğlu 22 iyun 1992-ci ildə döyüşə hazırlıq təlimi keçən zaman beyin nahiyyəsindən xəsarət almış, aldığı xəsarətlərlə əlaqədar olaraq 28 iyun 1992-ci ildə vəfat etmiş və 30 iyun 1992-ci ildə İmamzadə qəbiristanlığında dəfn olunmuşdur.