Şəhidlərimiz — I Qarabağ Müharibəsi

Quliyev Oruc Bəhram oğlu 3 noyabr 1962-ci ildə Göygöl rayonunun Sarısu kəndində anadan olmuşdur. O, Sarısu kənd orta məktəbini bitirdikdən sonra Qazaxıstan Respublikasında həqiqi hərbi xidmət keçmişdir. 1982-ci ildə hərbidən qayıtdıqdan sonra Gəncə şəhər Gil-Torpaq zavodunda sürücü kimi əmək fəaliyyətinə başlamışdır. O, 1984-cü ildə ailə qurmuş, Sevinc və Seymur adlı iki övladı dünyaya gəlmişdir. Vətənin müdafiəsinə hər an can atan Oruc Quliyev 1992-ci ilin yanvar ayında könüllü olaraq cəbhəyə yollanmış, Sarısu özünümüdafiə batalyonunda xidmət etməyə başlamışdır. Quliyev Oruc Bəhram oğlu 14 iyun 1992-ci ildə Goranboy rayonunun Başkənd kəndində gedən qızğın döyüşdə şəhidlik zirvəsinə ucalmış və 15 iyun 1992-ci ildə Sarısu kəndində dəfn olunmuşdur.