Şəhidlərimiz — I Qarabağ Müharibəsi

Qənbərov Firdovsi Zöhrab oğlu 28 aprel 1962-ci ildə Gəncə şəhərində anadan olmuşdur. O, 2 nömrəli orta məktəbin 8-ci sinfini bitirmişdir. O, 1983-cü ildə ailə qurmuş, üç övladı dünyaya gəlmişdir. Firdovsi Qənbərov Gəncə şəhər Dəmir-Beton zavodunda fəhlə işləmişdir. Firdovsi Qənbərov 1990-cı ildə könüllü olaraq Qarabağ uğrunda gedən döyüşlərdə iştirak etmək üçün cəbhəyə yollanmış, ağır döyüşlərin birində, 1992-ci ildə iki dəfə ağır yaralansa da, Gəncədə hərbi hospitalda müalicə olunmuşdur. O, sağaldıqdan sonra yenə hərbi xidmətə qayıtmış, Xocalı faciəsinə dözə bilməyən Firdovsi Gəncə batalyonunun tərkibində Ağdamın bir sıra kəndləri, Gülüstanın azad olunmasında böyük fədakarlıq göstərmişdir. Qənbərov Firdovsi Zöhrab oğlu 4 iyul 1993-cü il hadisəsində həlak olmuş və Gəncə şəhəri Şəhidlər Xiyabanında dəfn olunmuşdur. O, ailəli olmuş, Gülnur və Ruslan adlı övladları var.