Şəhidlərimiz — I Qarabağ Müharibəsi

Qasımov Abbas Məhəmmədəli oğlu 6 fevral 1963-cü ildə Gədəbəy rayonunun Qaravəllər kəndində anadan olmuşdur. O, orta məktəbi bitirdikdən sonra sovet ordusu sıralarında xidmət etmişdir. Hərbidən qayıtdıqdan sonra Gəncə şəhəri Avtomobil Texnikumunu bitirmiş, əvvəlcə 77 saylı peşə məktəbində müəllim kimi işləmiş, sonra isə Daxili İşlər Orqanlarına qəbul olaraq polis nəfəri kimi çalışmışdır. Abbas Qasımov 1986-cı ildə ailə qurmuş, Ramin və Elşən adlı iki oğlan, Sevinc adlı isə bir qız övladları dünyaya gəlmişdir. O, 1992-ci ildə xidmətini Ucar rayonunun Dövlət Yol Polis şöbəsində baş serjant kimi davam etdirmişdir. Qasımov Abbas Məhəmmədəli oğlu 19 fevral 1993-cü ildə Ucar rayonunun Ramal kəndində postda dayanaraq xidməti vəzfəsini yerinə yetirərkən həlak olmuş və Gəncə şəhəri İmamzadə qəbiristanlığında dəfn olunmuşdur.