Şəhidlərimiz — I Qarabağ Müharibəsi

Həmzəyev Məhbub Fərman oğlu 21 mart 1961-ci ildə Gəncə şəhərində anadan olmuşdur. O, Gəncə şəhəri 28 nömrəli orta məktəbi bitirdikdən sonra peşə məktəbində qaynaqçı peşəsinə yiyələnmişdir. Erməni qəsbarlarının Azərbaycan torpaqlarına qarşı iddiaları baş qaldıranda Məhbub Həmzəyev silaha sarılaraq vətənin müdafiəsinə yollanmış, Ağdam, Fizuli, Beyləqan rayonlarının müdafiəsində igidlik göstərmişdir. Məhbub Həmzəyev vətənin müdafiəsi uğrunda gedən ağır döyüşlərin iştirakçısı olmuş, bir neçə döyüş əməliyyatlarında böyük şücaət göstərmişdir. Düşmən tankının səngərə tərəf irəliləməsinin qarşısını almaq məqsədilə əlində əl qumbarası ilə tankın üstünə getmiş, qəhrəmanlıq göstərərək həm tankı partlatmış, həm də özünü öldürmüşdür. Beləliklə Həmzəyev Məhbub Fərman oğlu 10 dekabr 1993-cü ildə Beyləqan rayonu uğrunda gedən qızğın döyüşlərin birində qəhrəmancasına şəhidlik zirvəsinə ucalmış və Gəncə şəhəri Şəhidlər Xiyabanında dəfn olunmuşdur.