Şəhidlərimiz — I Qarabağ Müharibəsi

Əsgərov Fizuli Nürəddin oğlu 8 aprel 1976-ci ildə Xanlar (indiki Göygöl) rayonunun Sarısu kəndində anadan olmuşdur. O, 1993-cü ildə V.Verdiyev adına Sarısu kənd orta məktəbinin 10-cu sinfini bitirmişdir. Fizuli Əsgərov 1994-cü ildə Xanlar (indiki Göygöl) rayon Hərbi Komissarlığı tərəfindən həqiqi hərbi xidmətə çağırılmışdır. Onun döyüş yolu Daşkəsən rayonundan başlamış, Daşkəsən rayonunun bir neçə kəndinin müdafiəsində böyük qəhrəmanlıq göstərmişdir. O, nizam-intizamlı, yüksək döyüş qabiliyyətli bir əsgər olmuşdur. Əsgərov Fizuli Nürəddin oğlu 11 avqust 1995-ci ildə Daşkəsən rayonu uğrunda gedən qızğın döyüşlərin birində qəhrəmancasına şəhidlik zirvəsinə ucalmışdır.