Şəhidlərimiz — I Qarabağ Müharibəsi

Əsgərov Ramiz Cəmil oğlu 18 mart 1959-cu ildə Gəncə şəhərində anadan olmuş, orta məktəbi bitirdikdən sonra peşə məktəbinə daxil olmuş və çilingər peşəsinə yiyələnmişdir. O, 1978-1980-ci illərdə Xabarovsk şəhərində həqiqi hərbi xidmət keçmiş, leytenant rütbəsi ilə ehtiyatda olan zabit olmuşdur. Ramiz Əsgərov hərbidən qayıtdıqdan sonra 1980-1984-cü illərdə Sumqayıt şəhərində əmək fəaliyyətinə başlamışdır. O, 17 mart 1993-cü ildə Kəpəz Rayon Hərbi Komissarlığı tərəfindən hərbiyə çağırılmışdır. Ramiz Əsgərov əvvəlcə 877 saylı hərbi hissənin tərkibində, sonra isə 28 mart 1993-cü ildən etibarən 701 saylı hərbi hissənin tərkibində Kəlbəcər rayonunun müdafiəsinə göndərilmişdir. O, 1993-cü il aprel ayının 5-də Pereşüküldən vertalyotla Kəlbəcər rayonuna uçan zaman düşmən tərəfindən vertalyotu vurulmuş, onun meyitini tapmaq mümkün olmamış və itkin düşmüşdür. 31 may 2000-ci il tarixli 2232-2000 saylı Kəpəz Rayon Məhkəməsinin qətnaməsi ilə Əsgərov Ramiz Cəmil oğlu ölmüş elan edilmişdir. Şəhidin Elvira adlı bir qızı yadigar qalıb.