Şəhidlərimiz — I Qarabağ Müharibəsi

Əsədov Natiq Əsəd oğlu 6 iyun 1966-cı ildə Gəncə şəhərində anadan olmuşdur. O, Gəncə şəhəri 3 saylı orta məktəbi bitirdikdən sonra üç il Dəniz Silahlı Qüvvələrində xidmətdə olmuş, hərbidən qayıtdıqdan sonra isə Gəncə şəhərində Tikinti Trestində sürücü vəzifəsində əmək fəaliyyətinə başlamışdır. Natiq Əsədov 1988-ci ilin noyabr ayında ailə qurmuşdür. O, 1992-ci ildə Kəpəz Rayon Hərbi Komissarlığı tərəfindən hərbiyə çağırılmış, Ağdərə, Ağdam rayonlarının müdafiəsində böyük igidlik göstərmişdir. 1993-cü ilin əvvəllərində ehtiyata buraxılsa da, ermənilərin azərbaycanlılara qarşı törətdiyi qanlı faiciələrə dözə bilməyib 1993-cü il noyabr ayının 27-də könüllü olaraq cəbhəyə yollanmışdır. Ağdərə, Tərətər rayonlarının müdafiəsində igidlik göstərmişdir. Əsədov Natiq Əsəd oğlu 27 dekabr 1993-cü ildə Tərtər rayonu uğrunda gedən döyüşlərdə düşmən gülləsinə tuş gələrək yaralanmış, Bakı şəhər Mərkəzi Xəstəxanasına aparılsa da həkimlərin səyinə baxmayara 6 yanvar 1994-cü ildə vəfat etmiş və 7 yanvar 1994-cü ildə Gəncə şəhər Şəhidlər Xiyabanında dəfn olunmuşdur. İgid qəhrəmanın Tural adlı bir oğlan övladı yadigar qalmışdır.