Şəhidlərimiz — I Qarabağ Müharibəsi

Əsədov Rauf  Nuru oğlu 24 yanvar 1968-ci ildə Gəncə şəhərində anadan olmuşdur. O, 1984-cü ildə Gəncə şəhər 34 saylı orta məktəbi bitirdikdən sonra Gəncə şəhəri Cihazqayırma zavodunda əmək fəaliyyətində başlamışdır. Bundan sonra Rauf Əsədov 1986-1988-ci illərdə Çerkez vilayətinin Zelençuk şəhərinin Çarpalı kəndində hərbi xidmətdə olmuşdur. O, hərbi xidməti başa vurduqdan sonra Gəncə şəhər Toxuçuluq kombinatında usta köməkçisi vəzifəsində işləmişdir. Rauf Əsədov 1989-cu ildə könüllü olaraq cəbhəyə yollanıb Çaykənd döyüşlərində iştirak etmiş, bir neçə kəndin müdafiəsində iştirak etmişdir. Əsədov Rauf Nuru oğlu 10 avqust 1990-cı ildə, saat 11:30 da terrorçu A.M.Avanesyan və başqaları tərəfindən Ağdam-Tbilisi 43-80 AQF saylı LAZ-699 markalı avtobusun partladılması nəticəsində həlak olmuş və Gəncənin İmamzadə qəbiristanlığında dəfn olunmuşdur.