Şəhidlərimiz — I Qarabağ Müharibəsi

Əmiraslanov Rəşid Aslan oğlu 11 iyun 1955-ci ildə Daşkəsən rayonunun Almalı kəndində anadan olmuşdur. O, 1972-ci ildə Almalı kənd orta məktəbini bitirmişdir. O, hərbi xidmətdən qayıtdıqdan sonra O, 1979-cu ildə ailə həyatı qurmuş, Şəlalə və Şəfəq adlı iki qızı, Mətləb adlı bir oğlan övladları dünyaya gəlmişdir. Rəşid Əmiraslanov 1979-cu ildən 1992-ci ilə nədər Daşkəsən rayon dəmir filizi mədənində bunkerdə briqadir vəzifəsində çalışmışdır. Əmiraslanov Rəşid Aslan oğlu 25 iyul 1992-ci il tarixdə Ağdərə uğrunda gedən qanlı döyüşlərin birində çoxlu güllə yarası alaraq şəhid olmuş və Daşkəsən rayonunun Zincahal kəndində dəfn olunmuşdur.