Şəhidlərimiz — I Qarabağ Müharibəsi

Əliyev Məhərrəm Sabir oğlu 1961-ci ildə Masallı rayonunun Qızılağac kəndində anadan olmuşdur. Məhərrəm Əliyev orta məktəbi bitirdikdən sonra Qazaxıstan Respublikasının Şestonka şəhərində həqiqi hərbi xidmət keçmişdir. O, hərbidən qayıtdıqdan sonra Gəncə şəhərində telefon təmiri ilə məşğul olmuşdur. 23 aprel 1994-cü ildə Kəpəz Rayon Hərbi Komissarlığı tərəfindən hərbiyə çağırılmış Məhərrəm Əliyev 172 saylı hərbi hissənin tərkibində xidmət göstərmişdir. Qısa döyüş yolu keçmiş həmyerlimiz tez bir zaman ərzində əsgər-zabit heyətinin böyük hörmətini qazanmışdır. O, Füzuli, Tərtər, Ağdam rayonlarının müdafiəsində böyük qəhrəmanlıq göstərmişdir. Əliyev Məhərrəm Sabir oğlu 23 aprel 1994-cü ildə Kəlbəcər rayonunun müdafiəsi uğrunda gedən qızğın döyüşlərin birində itkin düşmüş, Kəpəz Rayon Məhkəməsi tərəfindən 2-4932002 nömrəli qətnaməyə əsasən o, ölmüş elan edilmişdir.