Şəhidlərimiz — I Qarabağ Müharibəsi

Əlinağıyev Vaqif Mirzə oğlu 1958-ci ildə Daşkəsən rayonunun Xoşbulaq kəndində anadan olmuşdur. O, Xoşbulaq kənd orta məkətəbini bitirdikdən sonra 1976-1978-ci illərdə sovet ordusu sıralarında hərbi xidmət keçmişdir. Vaqif Əlinağıyev hərbidən qayıtdıqdan sonra dülgər kimi ayna-qapı düzəltməklə məşğul olmuşdur. O, 1991-ci ilin yanvar ayında könüllü olaraq Daşkəsən batalyonuna yazılaraq xidmətə yollanmışdır. O, bir neçə döyüş tapşırıqlarının yerinə yetirilməsində iştirak etmiş, döyüş bacarığı ilə əsgər yoldaşlarının böyük hörmətini qazanmışdır. Üç övlad atası olan Əlinağıyev Vaqif Mirzə oğlu 22 may 1993-cü il tarixdə Ağdərə rayonunun müdafiəsi zamanı düşmən gülləsinə tuş gələrək şəhidlik zirvəsinə ucalmış və Xoşbulaq kəndində dəfn olunmuşdur.