Şəhidlərimiz — I Qarabağ Müharibəsi

Ələkbərov Hidayət Qasım oğlu 23 mart 1965-ci ildə Yevlax şəhərində anadan olmuşdur. O, Yevlax şəhər 3 saylı orta məktəbin 8-ci sinfini bitirdikdən sonra Gəncə şəhərinə gəlmiş, buradakı 27 saylı texniki-peşə məktəbinə daxil olaraq 1983-cü ildə həmin peşə məktəbini bitirib çilingərlik peşəsinə yiyələnmişdir. Hidayət Ələkbərov 1983-1985-ci illərdə Belorusiyada sovet ordusu sıralarında hərbi xidmət keçmişdir. O, hərbi xidmətdən qayıtdıqdan sonra Yevlax nəqliyyat müəssisəsində əvvəl usta köməkçisi, sonra isə usta kimi işləmişdir. Hidayətgilin ailəsi böyük olmuş və o, ailənin beşinci övladı olmuşdur. 1993-cü ildə Füzuli ətrafında erməni işğalçıları ilə aparılan qanlı döyüşlərdə cəbhəyə könüllü getmiş Hidayət Qasımov igidliklə vuruşmuş, tez bir zaanda zabit-əsgər heyətinin böyük hörmətini qazanmışdır. Ələkbərov Hidayət Qasım oğlu 14 yanvar 1994-cü ildə qəhrəmancasına şəhidlik zirvəsinə ucalmış və Yevlax rayonu Şəhidlər Xiyabanında dəfn olunmuşdur.