Şəhidlərimiz — I Qarabağ Müharibəsi

Cıqqarov Adil Nadir oğlu 1 dekabr 1957-ci ildə anadan olmuşdur. O, Ağdam rayonunun Yenicə kəndində 8-ci sinfi bitirdikdən sonra Gəncə şəhərinə gəlib burada 77 saylı texniki-peşə peşə məktəbində qaynaqçı sənətinə yiyələnmişdir. Bundan sonra Adil Cıqqarov 15 ilə yaxın Gəncə şəhər Gil-Torpaq İstehsalat Birliyində qaynaqçı  vəzifəsində işləmişdir. O, 1984-cü ildə ailə qurmuş, iki oğlan övladı dünyaya gəlmişdir. Vətənin başı üzərini qara buludlar alan zaman Adil Cıqqarov da digər qeyrətli oğlanlarımız kimi 1993-cu ildə könüllü olaraq cəbhəyə yollanmış, Ağdərə, Ağdam rayonlarının müdafiəsində böyük igidlik göstərmişdir. Cıqqarov Adil Nadir oğlu 28 fevral 1993-cü ildə Ağdərə rayonu uğrunda gedən döyüşlərdə qəhrəmancasına şəhid olmuş və Ağdərə rayonu ərazisindəki su anbarının yanında dəfn olunmuşdur.