Şəhidlərimiz — I Qarabağ Müharibəsi

Rafiq Məmməd oğlu Aslanov 1974-cü il martın 29-da Gəncə şəhərində anadan olmuşdur. 77 saylı texniki-peşə məktəbində oxumuş, təhsilini yarımçıq qoyaraq Nizami Rayon Hərbi Komissarlığının çağırışı ilə ordu sıralarına getmişdi. Onun döyüş yollarında ibrətamiz səhifələr çoxdur. Onun hərbi şücaəti dəfələrlə hərbi hissə tərəfindən yüksək qiymətləndirilmiş, qiymətli hədiyyələrlə təltif olunmuşdu.

Rafiq Aslanov 1995-ci il sentyabrın 22-də mühüm əhəmiyyətli bir postda xidməti vəzifəsini yerinə yetirirdi. Axşamüstü Aslanovun qoruduğu posta bir neçə yük maşını qəfildən yaxınlaşdı. Rafiqin «dayan» işarəsinə məhəl qoyulmadı. Bir də xəbərdarlıq olundu. Elə bu zaman qarşı tərəfdən atəş açıldı. Atışma bir neçə saat davam etdi. Qeyri-bərabər döyüşdə son damla qanınadək döyüşən Rafiq Məmməd oğlu Aslanov 1995-ci il sentyabrın 22-də 21 yaşında ikən mühüm postu qoruyarkən qəhrəmancasına həlak oldu.