Şəhidlərimiz — I Qarabağ Müharibəsi

Cəlilov İlyas Cəlal oğlu 15 yanvar 1969-cu ildə Şəki rayonunun Üzümçülük sovxozu kəndində anadan olmuşdur. O, həmin kənd orta məktəbini bitirdikdən sonra sovet ordusu sıralarında həqiqi hərbi xidmət keçmişdir. O, 1993-cü ildə ailə qurmuş, Xəyal adlı bir oğlan övladı dünyaya gəlmişdir. Vətənin ağrılı-acılı günlərində erməni haqsızlıqlarına dözə bilməyib silaha sarılaraq cəbhəyə yollanmış, bir neçə döyüş əməliyyatlarında layiqli iştirak etmişdir. Döyüş zamanı hər an öndə getmiş və Ağdərə bölgəsində gedən döyüşlərdə fəal iştirak etmişdir. Cəlilov İlyas Cəlal oğlu Ağdərə bölgəsində gedən döyüş zamanı 11 yanvar 1994-cü ildə həlak olmuş və 12 yanvar 1994-cü ildə Tərtər rayonunun Bəyimsarov kəndində dəfn olunmuşdur.