Şəhidlərimiz — I Qarabağ Müharibəsi

Ağayev Əfqan Atakişi oğlu 3 aprel 1967-ci ildə Qəbələ rayonunda anadan olmuşdur. O, orta məktəbi bitirdikdən sonra sovet ordusu sıralarında həqiqi hərbi xidmət keçmişdir. Hərbidən qayıtdıqdan sonra isə fərdi əməklə məşğul olmağa başlamışdır. Əfqan Ağayev 1992-ci ildə ailə qurmuşdur. O, 1993-cü ildə Kəpəz Rayon Hərbi Komissarlığı tərəfindən öz istəyi ilə hərbi xidmətə göndərilmişdir. Bir neçə kəndlərin müdafiə olunmasında böyük igidlik göstərmiş, nizam-intizamı ilə şəxsi heyətin hörmətini qazanmışdır. Ağayev Əfqan Atakişi oğlu 13 iyun 1993-cü ildə Tərtər rayonu uğrunda gedən döyüşlərdə itkin düşmüşsə də, Kəpəz rayon məhkəməsinin 2-404-2000-ci il tarixli qətnaməsi ilə ölmüş elan edilmişdir.