Şəhidlərimiz — I Qarabağ Müharibəsi

Fikrət Zeynalov 1958-ci il sentyabrın 11-də Gəncə şəhərində anadan olmuşdur. Orta təhsilini 5 saylı orta məktəbdə alan Fikrət 1981-ci ildə  Nərimanov adına Tibb İnstitutunu bitirmişdir. Təyinatla Naxçıvana göndərilmişdir. 7 ildən sonra Gəncəyə  qayıtmışdı. O, Gəncədə Təcili Yardım Stansiyasında işləmişdir. Fikrət Zeynalov 1989-cu ildə ailə həyatı  qurmuşdur. Baş leytenant Zeynalov vaxtaşırı döyüş bölgələrinə gedir, xəstə və yaralılara şəfa verirdi. Böyük xidmətləri olmuşdur. Nəhayət Fikrət Zeynalov 1992-ci ildə birdəfəlik döyüşçülər sırasına yazılmışdı. İki il 109 saylı hərbi hissədə həkim kimi fəaliyyət göstərmişdi.

Fikrət Əbdüləli oğlu Zeynalov 1994-cü il iyunun 24-də altı nəfər yaralı döyüşçünü müalicə etmişdi. UAZ markalı maşını ilə Ağdama qayıdarkən Xındırıstan kəndində ermənilərlə 3 saat davam   edən qeyri-bərabər döyüşdə həlak olmuşdu. Gənc döyüşçü Gəncə Şəhidlər Xiyabanında dəfn olunmuşdur.